Short news

‘‘மக்களாகிய உங்களுக்குத்தான் நன்றி’’ - முதல்வர் ஸ்டாலின்

மதுரை மாவட்டம் அரிட்டாபட்டியில் டங்ஸ்டன் சுரங்க திட்டம் ரத்து செய்யப்பட்டதை முன்னிட்டு நடைபெற்ற பாராட்டு விழாவில் முதல்வர் ஸ்டாலின் கலந்து கொண்டார். அப்போது பேசிய அவர், ‘‘எனக்கு நன்றி தெரிவிப்பதை விட மக்களாகிய உங்களுக்குத்தான் நன்றி தெரிவிக்க வேண்டும்’’ என தெரிவித்துள்ளார்.

Posted on: 26 Jan 2025, 06:05 PM

காடுதான் களம்... - ராஜமவுலியின் அடுத்த பட பணிகள் மும்முரம்

‘பாகுபலி’ மற்றும் ‘ஆர்.ஆர்.ஆர்’ படங்களுக்கு பிறகு ராஜமவுலி இயக்கவுள்ள அடுத்த படத்துக்கு உலகளவில் பெரும் எதிர்பார்ப்பு உருவாகி இருக்கிறது. இப்படத்தின் பணிகளை கடந்த சில மாதங்களாக கவனித்து வருகிறார் ராஜமவுலி. முழுக்க காடுகளை பின்புலமாக கொண்டு இப்படத்தின் கதை உருவாக்கி இருக்கிறார். இதில் நாயகனாக மகேஷ் பாபு, நாயகியாக பிரியங்கா சோப்ரா ஆகியோர் நடிக்கவுள்ளனர்.

Posted on: 26 Jan 2025, 05:40 PM

பாமக நிர்வாகி ராமலிங்கம் கொலை வழக்கில் இருவர் கைது

கடந்த 2019-ல் பாட்டாளி மக்கள் கட்சியைச் சேர்ந்த ராமலிங்கம் என்பவர் படுகொலை செய்யப்பட்ட வழக்கில் தடைசெய்யப்பட்ட அமைப்பான பாப்புலர் ஃப்ரன்ட் ஆஃப் இந்தியாவுடன் தொடர்புடைய இரண்டு தலைமறைவு குற்றவாளிகளை தேசிய புலனாய்வு முகமை கைது செய்துள்ளது.

Posted on: 26 Jan 2025, 05:32 PM

சிறப்பு பார்வை: ‘இரண்டன்றி வேறல்ல’ - ட்ரம்ப்

அமெரிக்க அதிபராகப் பொறுப்பேற்றுக்கொண்ட டிரம்ப் தன் முதல் உரையில் நிறம், பாலினம் குறித்துப் பேசியது சர்ச்சைக்குள்ளானது. ‘‘இனி அமெரிக்க அரசின் கொள்கைப்படி ஆண், பெண் என்கிற இரண்டு பாலினங்கள் மட்டுமே அங்கீகரிக்கப்படும்” என்று தன் உரையில் டிரம்ப் குறிப்பிட்டார். ஆண், பெண் தவிர பல பாலினங்கள் அறிவியல்பூர்வமாக ஏற்றுக்கொள்ளப்பட்ட நிலையில் அறிவியலுக்கு எதிரான டிரம்பின் நிலைப்பாடு சமூக ஆர்வலர்கள் மத்தியில் விவாதப் பொருளாகியுள்ளது.

Posted on: 26 Jan 2025, 05:30 PM

தெலுங்கில் உயரும் ஐஸ்வர்யா ராஜேஷ் மார்க்கெட்!

தெலுங்கில் ‘சங்கிராந்திக்கி வஸ்துணாம்’ படத்தில் வெங்கடேஷுக்கு நாயகியாக நடித்திருந்தார் ஐஸ்வர்யா ராஜேஷ். இப்படம் உலகளவில் ரூ.250 கோடியைத் தாண்டி வசூல் செய்து வருவதாக கணித்திருக்கிறார்கள். இப்படத்தின் வெற்றியினால், பல்வேறு முன்னணி இயக்குநர்கள் ஐஸ்வர்யா ராஜேஷை சந்தித்து கதைகள் கூறி வருகிறார்கள். நாயகி என்பதைத் தாண்டி குழந்தைக்கு அம்மாவாக நடித்து அனைவருடைய பாராட்டையும் பெற்றார். இந்த முடிவுதான் அவருக்கு பெரும் வரவேற்பைப் பெற்று தந்திருக்கிறது.

Posted on: 26 Jan 2025, 05:26 PM

''பணக்காரர்கள் கடனை பாஜக அரசு தள்ளுபடி செய்துள்ளது'' - கேஜ்ரிவால்

கடந்த 5 ஆண்டுகளில் சுமார் 400-500 நபர்களின் ரூ.10 லட்சம் கோடி கடன்களை பாஜக தலைமையிலான மத்திய அரசு தள்ளுபடி செய்துள்ளதாக அரவிந்த் கேஜ்ரிவால் குற்றம்சாட்டியுள்ளார்.

Posted on: 26 Jan 2025, 05:19 PM

கடலோர காவல் படை சார்பில் குடியரசு தின கொண்டாட்டம்

குடியரசு தின விழாவை முன்னிட்டு, ராமேசுவரம் அருகே மன்னார் வளைகுடா கடற்பரப்பில் உள்ள முயல் தீவில் இந்திய கடலோர காவல்படை சார்பாக கடலோரக் காவல்படையின் கிழக்குப் பகுதிக் கமாண்டர் இன்ஸ்பெக்டர் ஜெனரல் டோனி மைக்கேல் கொடி ஏற்றி மரியாதை செலுத்தினார்.

Posted on: 26 Jan 2025, 05:17 PM

“இது பெரியார் மண் அல்ல; எங்களுக்கு பெரியாரே மண்தான்” - சீமான்

“திரும்பத் திரும்ப கூறி வருகிறேன். பெரியார் மண், பெரியார் மண் என்று யாரும் பேச வேண்டாம். எங்களுக்கு பெரியாரே மண்தான்” என்று நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

Posted on: 26 Jan 2025, 05:16 PM

‘டங்ஸ்டன்’ வெற்றிக்கு சொந்தம் கொண்டாடும் கட்சிகள்! | சிறப்பு பார்வை

நான் முதல்வராக இருக்கும்வரை இந்த திட்டம் வராது. மீறி வந்தால் நான் முதல்வர் பதவியில் இருக்க மாட்டேன் என ஸ்டாலின் சவால் விடுத்திருந்தார். தமிழக பாஜக தலைவர் அண்ணாமலையும், போராட்ட குழுவினரை சந்தித்து, டங்ஸ்டன் திட்டத்தை ரத்து செய்ய நான் பொறுப்பு என வாக்குறுதி கொடுத்தார். அதுபோல், சட்டப்பேரவையில் அதிமுக கொடுத்த தொடர் அழுத்தத்தாலேயே திட்டத்தை ரத்துசெய்ய தீர்மானம் கொண்டு வரப்பட்டதாக கூறியுள்ளார்.

Posted on: 26 Jan 2025, 04:34 PM

சிறப்பு பேட்டி: விஜயின் உண்மையான பலம் எது?

‘‘விஜய் வயது ஆக ஆக அவர் ஒரு ஞானியைப்போல் பக்குவப்பட்ட நிலையின் உச்சத்தில் இருக்கிறார். இப்போது கள அரசியலுக்கு வந்துவிட்டதால் அவரைத் தங்கள் அரசியல் எதிரியாக நினைப்பவர்கள் இன்னும் எவ்வளவு விஷயங்களை இட்டுக்கட்டி அவதூறு செய்வார்கள், அல்லது சமயம் எதிர்பார்த்துக் காத்திருப்பார்கள். ஆனால், இதுபோன்ற இகழ்ச்சிகளுக்காகவெல்லாம் அவர் அசைந்து கொடுக்கமாட்டார். இந்தப் பொறுமைதான் அவரது பலம்.’’ என்று இயக்குநர் அப்துல் மஜித் தெரிவித்துள்ளார்.

Posted on: 26 Jan 2025, 04:33 PM

Loading, Please wait...