காலநிலை மாற்றம் ஒரு சமூக அநீதி என்பதில் சந்தேகமே இல்லை. ஆனால் அது எப்படி ஒடுக்கப்பட்ட சமூகத்தினருக்கு மட்டும் அநீதி இழைக்கிறது?

2023ஆம் ஆண்டு கோடைகாலத்தில் வீசிய வெப்ப அலையால் உத்தரப்பிரதேசத்தில் மட்டும் 140 பேர் உயிரிழந்தனர். இந்தியா வெப்பமண்டல நாடு என்பதால் இங்கு வெப்ப அலைகள் வீசுவது சாதாரணம்தான். ஆனால், எப்போதும் இல்லாத அளவு இந்த ஆண்டு சராசரி வெப்பநிலை 47 டிகிரி வரை உயர்ந்துள்ளதை நாம் சாதாரணமாக கருதிவிட முடியாது. இதுமட்டுமல்ல அவ்வபோது பெய்யும் பருவம் தவறிய மழை, வெள்ளப்பெருக்கு என இயற்கைப் பேரழிவுகளைச் சொல்லிக்கொண்டே போகலாம். இத்தகைய இயற்கைச் சீற்றங்களால் அதிகம் பாதிக்கப்படுவது பட்டியலின மக்கள்தான் என்கின்றன ஆய்வுகள்.