என் மகன் தமிழில் நன்றாக பேசுவான். அவனை தமிழ் இலக்கியம் படிக்க வைக்க சிலர் சொல்கிறார்கள். ஆனால், பலர் தமிழ் படித்தால் என்ன வேலை கிடைக்கும்? என கேட்டு பயமுறுத்துகிறார்கள். வழி காட்டவும். - செ.முத்துமலை, சாத்தான்குளம்.

இன்று உலகிலேயே பேச்சு வழக்கில் மற்றும் பயன்பாட்டில் உள்ள மொழிகளில் தொன்மையானதும், முதன்மையானதும் தமிழ் ஆகும். தயக்கமே வேண்டாம். இளங்கலை பட்டம், முதுகலைப் பட்டம் அதற்கு மேலும் கூட படிக்கலாம். தமிழ்நாடு அரசு தேர்வாணையத்தின் பணியிடங்களுக்கான போட்டித் தேர்வினை மிகவும் நல்ல முறையில் தயார் செய்து எழுதவும். யுபிஎஸ்சியின், ஐஏஎஸ், ஐபிஎஸ் தேர்வின் முதன்மைத் தேர்வினைக் கூட தமிழிலேயே எழுதி இன்று ஐஏஎஸ் ஆக பணியாற்றிவரும் வெற்றியாளர்கள் உள்ளனர்.