பெண்கள் மயக்குவதில் வல்லவர்கள் என்று பெண்களைப் பொதுவாக பழி சொல்பவர்கள் பலர் நம்மிடையே உண்டு. ஆனால், உண்மையில் மருத்துவத்தில் ஒரு பெண் மயக்க வருவதற்கு பல நூறு வருடங்கள் பிடித்தது என்பதுடன், அதன் பின்னே ஒரு பெரிய வரலாறே இருக்கிறது என்பது தெரியுமா உங்களுக்கு?

மருத்துவம் அறிவியலாக மாறுவதற்கு முன், மனிதனின் ஆரம்பகால சிகிச்சைகள் இயற்கையுடன் சேர்ந்து இலை, கொடி, தளைகளுடன் தான் இருந்தது. ஆனால், அந்த சமயத்திலேயே மனிதன் அறுவை சிகிச்சைகளையும் அதற்கென சதைகளை அறுத்து தையல் போடவும் கற்றுக் கொண்டான் என்றாலும், அப்போது அந்த சிகிச்சைகளின்போது வலி தெரியாமல் இருக்க வழங்கப்பட்ட மயக்க மருந்துகளும் இயற்கை சார்ந்ததாகத் தான் இருந்துள்ளது.