கதை பயிற்சி வகுப்பு ஒன்றில் கதை வரைபடம் (Story map) தயார் செய்தோம். ஊரின் வரைபடம், நாட்டின் வரைபடம்தானே வரைய முடியும். இதென்ன கதைக்கு வரைபடமா என்று தோன்றுகிறதா? கதை எழுதி பழகும் காலத்தில் கதை வரைபடம் நிச்சயம் நமக்கு உதவியாக இருக்கும். எப்படி என்பதைப் பார்க்கும் முன் கதை வரைபடம் என்பது என்ன என்று தெரிந்துகொள்வோம்.

ஒரு கதைக்கான கரு நம் மனதில் உருவானதும், அதை வைத்து கதாபாத்திரங்களை உருவாக்கி கதை எழுதுவோம். அந்தக் கதையின் மையம் எது என்று முடிவு செய்துகொள்ள வேண்டும். அதை வைத்துதான் மற்ற நிகழ்வுகள் நடக்கும். அதனால், எது மையம் என்பதில் தெளிவு வேண்டும். கொஞ்சம் குழப்பமாக இருக்கிறதா? ஓர் உதாரணம் பார்ப்போம்.