ப்ரீமியம்
வெள்ளித்திரை வகுப்பறை: தேர்வில் தேறவைக்கும் மந்திரம்

தேர்வுகள் முடிந்துவிட்டன. இனி நிம்மதி தான் என்று இருந்துவிட முடியுமா? இனிமேல் தான் அப்பெருங்காப்பியத்தின் பல்வேறு முக்கிய படலங்களின் திடுக்கிடும் திருப்பங்கள் நிகழவிருக்கின்றன. கணக்கு ஆசிரியர் விடைத்தாள் கட்டுடன் வகுப்பறைக்குள் நுழைகிறார். ஆர்வம், பயம், ஆட்சியம் எனப் பல்வேறு பார்வைகள் விடைத்தாள்களை மொய்க்கின்றன, ஆசிரியர் அன்பு பொங்க குன்கன் பெயரைச் சொல்லுகிறார். மெதுவாக எழுந்து நிற்கிறான்.

எல்லோரும் நல்லா கை தட்டுங்க. நம் வகுப்பின் பெருமை இவன். இந்தியத் தயாரிப்புகளை மட்டுமே வாங்கும் மிகச்சிறந்த இந்தியன். அதனால் தான் தேர்வில் ஜீரோ வாங்கியிருக்கிறான் என்று ஆசிரியர் கூறியதும் வகுப்பறையில் கைதட்டிக் கொண்டிருந்த பலரும் சிரிக்கிறார்கள். பஜ்ரங் ... இவனும் இந்தியன் தான் என்று ஆசிரியர் கூறியதும் சிரிப்பொலி அதிகரிக்கிறது. வாகில் இரண்டு மதிப்பெண்கள். நண்பர்கள் மூவரும் அமைதியாக அடுத்தடுத்த விடைத்தாள் குண்டுகளை எதிர்நோக்கி வகுப்பறையில் அமர்ந்திருக்கின்றனர்.