அது 1783-ம் ஆண்டு. பிரான்ஸ் நாட்டின் ஓரிடத்திலிருந்து பலூனை விண்ணில் ஏவும் முயற்சி நடைபெறுகிறது. இதை பார்க்க கூட்டம் கூடுகிறது. கூட்டத்திலிருக்கும் ஒருவர், “இப்படி பலூனைப் பறக்கவிடுவதால் என்ன பயன்?” என்று கிண்டலடிக்கிறார்.

அங்கிருந்த ஒருவர் “ஆமாம் பிறந்த குழந்தையால் என்ன பலன் இருக்கும்” என்று கிண்டலான, ஆனால் நியாயமான பதிலளிக்கிறார். எந்த அறிவியல் உண்மையானாலும் அது கண்டுபிடிக்கப்படும் காலத்தைவிட பிற்பாடு அதிக அளவிலான பலனை அளித்துவருவது கண்கூடு என்றார் ஒரு அறிவியலாளர்.