புத்தருக்கு போதி மரத்தடியில் ஞானம் உதித்தது என்பார்கள். சிகாகோவில் உள்ள ஃபீல்ட் அருங்காட்சியகத்தில் ஆய்வாளராகப் பணியாற்றும் ஷானன் ஹாக்கெட்-க்கு (Shannon Hackett) மகனின் பள்ளி ஹாக்கி விளையாட்டு மைதானத்தில் அத்தகைய ஞானம் பொதிந்த கேள்வி பிறந்தது. அந்தப் பள்ளியின் ஹாக்கி அணியிலிருந்த அவரது மகன் உட்பட அனைவரும் விளையாடும்போது தலைக்கவசம் அணிந்து இருந்தனர்.

ஹாக்கி மட்டுமல்ல, தலையில் கவசம் அணிந்து தான் பைக் ரேஸ் வீரர்கள் போட்டியில் பங்கு பெறுவார்கள். தப்பித்தவறி விபத்து ஏற்பட்டு கவிழ்ந்து கீழே விழுந்தால் வன்குலுக்கு ஏற்பட்டு அதிர்ச்சியில் மூளையில் உள்காயம் ஏற்படும். உள்காயம் பலமாக இருந்தால் கோமா நிலைக்குக் கூட இட்டுச் செல்லும்.