நெல் ஜெயராமன் பாரம்பரிய நெல் பாதுகாப்பு மையம் சார்பில் - திருத்துறைப்பூண்டியில் தேசிய நெல் திருவிழா :

திருவாரூர் மாவட்டம், ஆதிரெங்கம் நெல் ஜெயராமன் பாரம்பரிய நெல் பாதுகாப்பு மையம் சார்பில் தேசிய நெல் திருவிழா திருத்துறைப்பூண்டியில் நேற்று நடைபெற்றது. மையத்தின் ஒருங்கிணைப்பாளர் எஸ்.ராஜீவ் விழாவை ஒருங்கிணைத்தார். விழாவில், மாட்டு வண்டியில் நம்மாழ்வார், நெல் ஜெயராமன் ஆகியோரின் புகைப்படங்கள் வைக்கப்பட்டு அதில் நெல் கோட்டை கட்டி, காய்கறிகளால் அலங்காரம் செய்யப்பட்டு, திருத்துறைப்பூண்டி நகராட்சி அலுவலகத்தில் இருந்து விழா அரங்கத்துக்கு ஊர்வலமாக கொண்டுவரப்பட்டது.