மானாமதுரை அருகே ஓட்டப் பயிற்சியில் ஈடுபட்ட இளைஞர் விபத்தில் இறப்பு :

மானாமதுரை: சிவகங்கை மாவட்டம், மானாமதுரை அருகே உடையான்பட்டியைச் சேர்ந்த பெருமாள் மகன் விக்னேஸ்வரன் (20). இவர் ராணுவத்தில் சேருவதற்காக ஒரு மாதத்துக்கும் மேலாக ஓட்டப் பயிற்சி, உடற்பயிற்சியை மேற்கொண்டு வந்தார். இந்நிலையில் நேற்று காலை மதுரை - ராமேசுவரம் நான்குவழிச் சாலையில் ராஜகம்பீரம் அருகே ஓட்டப் பயிற்சியில் ஈடுபட்டிருந்தபோது, அடையாளம் தெரியாத வாகனம் மோதி சம்பவ இடத்திலேயே உயிரிழந்தார். இதுகுறித்து மானாமதுரை நகர் போலீஸார் வழக்குப்பதிவு செய்து விசாரித்து வருகின்றனர்.

FOLLOW US