திருவாரூர் மாவட்ட செஸ் போட்டி :

திருவாரூர் மாவட்ட சதுரங்க கழகம், மன்னார்குடி மிட்டவுன் ரோட்டரி சங்கம், காரைக்கால் ஓஎன்ஜிசி நிறுவனம், மன்னார்குடி வட்ட சதுரங்க கழகம் இணைந்து நடத்திய தென் பரை ஆர்.கிருஷ்ணசாமி நினைவுக் கோப்பைக்கான 23-வது திருவாரூர் மாவட்ட செஸ் சாம்பியன்ஷிப் போட்டி நேற்று மன்னார்குடியில் நடைபெற்றது.

போட்டியில் திருவாரூர் பள்ளி மாணவர் எஸ்.அர்ஜுன்குமார் சாம்பியன் பட்டத்தை வென்றார். பேராசிரியர் ஜி.இருளப்பன், கே.மிதுன், ஆர்.பி.ஜெயதேவ், ஏ.சுதர்சன் ஆகியோர் 2 முதல் 5 வரையிலான இடங்களை பெற்றனர். மாலையில் நடை பெற்ற பரிசளிப்பு விழாவுக்கு மன்னை வட்ட சதுரங்க கழகத் தலைவர் ஆசிரியர் கருணாகரன் தலைமை வகித்தார். இந்தப் போட்டியில் வென்ற 5 பேரும் மாநில சாம்பியன்ஷிப் போட்டியில் பங்கேற்கின்றனர்.