கிருஷ்ணகிரியில் இன்று 738 இடங்களில் கரோனா தடுப்பூசி முகாம் :

கிருஷ்ணகிரி மாவட்டத்தில் இன்று (11-ம் தேதி) 14-வது கரோனா தடுப்பூசி முகாம் 738 இடங்களில் நடைபெற உள்ளது.

இதுதொடர்பாக மாவட்ட ஆட்சியர் ஜெயசந்திர பானு ரெட்டி வெளியிட்டுள்ள செய்திக்குறிப்பு:

கிருஷ்ணகிரி மாவட்டத்தில் இன்று (11-ம் தேதி) 14-வது கரோனா தடுப்பூசி செலுத்தும் முகாம் 738 இடங்களில் நடைபெற உள்ளது. கரோனா தடுப்பூசி போடாதவர்கள், 2-வது தவணை போட வேண்டியவர்கள் பயனடையும் வகையில் காலை ஒரு இடத்திலும், மாலை வேறு இடத்திலும் என மாநகராட்சி, நகராட்சி, பேரூராட்சிகளில் உள்ள வார்டு பகுதிகளிலும், ஊராட்சி மற்றும் கிராம பகுதிகளிலும், அரசு ஆரம்ப சுகாதார மையம், அரசு மருத்துவமனைகளில் கரோனா தடுப்பூசி செலுத்தும் முகாம் நடத்தப்பட உள்ளது.

இந்த வாய்ப்பினை பொது மக்கள் அனைவரும் பயன்படுத்திக் கொள்ள வேண்டும்.