14 சதவீத அகவிலைப்படியை முன் தேதியிட்டு வழங்க கோரிக்கை :

செங்கல்பட்டு: அனைத்துத் துறை ஓய்வூதியர் சங்கத்தின் 2-வது மாவட்ட பேரவை கூட்டம் நேற்று முன்தினம் மாவட்ட தலைவர் கே.வி.வேதகிரி தலைமையில் செங்கல்பட்டில் நடைபெற்றது. கூட்டத்தில் 14 சதவீத அகவிலைப்படியை 1.7.21 முதல் முன் தேதியிட்டு வழங்க வேண்டும், புதிய ஓய்வூதிய திட்டத்தை ரத்து செய்ய வேண்டும், சத்துணவு அங்கன்வாடி, ஓய்வூதியர்களுக்கு குறைந்தபட்சம் ஓய்வூதியம் ரூ.7,850 வழங்க வேண்டும், செங்கல்பட்டு நகரில் பாதாள சாக்கடை அமைக்கும் திட்டத்தை தொடங்க வேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன.

FOLLOW US