வழிப்பறி செய்த 3 சிறுவர்கள் கைது :

திருச்சி மேலகல்கண்டார்கோட்டை நடுப்பனகல் தெருவைச் சேர்ந்தவர் ரமேஷ் கண்ணன் (51). இவர் நேற்று முன்தினம் அங்குள்ள பேருந்து நிறுத்தத்தில் நின்று கொண்டிருந்தபோது, அங்கு வந்த 3 சிறுவர்கள் கத்தி, அரிவாளைக் காட்டி ரமேஷ் கண்ணனிடமிருந்து ரூ.3 ஆயிரத்தைப் பறித்துச்சென்றனர். இதுகுறித்து பொன்மலை போலீஸார் வழக்கு பதிவு செய்து கிழக்குறிச்சி, கீழ கல்கண்டார்கோட்டை, மேலகல்கண்டார்கோட்டை பகுதிகளைச் சேர்ந்த 17 வயதுடைய 3 சிறுவர்களை கைது செய்து சிறார் கூர்நோக்கு இல்லத்தில் அடைத்தனர்.