வரும் 25-ல் விவசாயிகள் குறைதீர் கூட்டம் :

திருப்பூர் மாவட்ட ஆட்சியர் சு.வினீத் வெளியிட்டுள்ள செய்திக்குறிப்பில் ‘‘நடப்பு மாதத்துக்கான விவசாயிகள் குறைதீர் கூட்டம் வரும் 25-ம் தேதி காலை 11 மணிக்கு நேரடியாக ஆட்சியர் அலுவலக அறை எண் 240-ல் நடைபெற உள்ளது. இதில் விவசாயிகள் பங்கேற்று விவசாயம் தொடர்பான குறைகளை தெரிவிக்கலாம்’’ என தெரிவித்துள்ளார். கரோனா பரவல் அச்சத்தால், பல மாதங்களாக காணொலியில் நடைபெற்று வந்த விவசாயிகள் குறைதீர் கூட்டம், தற்போது ஆட்சியர் தலைமையில் நேரடியாக நடைபெற உள்ளது, குறிப்பிடத்தக்கது.