மருதுபாண்டியர் நினைவிடத்தில் கொடியேற்றிய ஹெச்.ராஜா :

நாட்டின் 75-வது சுதந்திர தினத்தையொட்டி பாஜக சார்பில் தமிழகம் முழுவதும் 75 சுதந்திர போராட்ட வீரர்கள் மற்றும் தியாகிகள் நினைவிடங்களில் மரியாதை செலுத்தப்பட்டது. அதன்படி சிவகங்கை அருகே காளையார்கோவிலில் மருதுபாண்டியர் நினைவிடத்தில் பாஜக மூத்த தலைவர் ஹெச்.ராஜா மரியாதை செலுத்தினார்.

தொடர்ந்து அங்கு தேசியக் கொடியை ஏற்றினார். காளையார்கோவில் வடக்கு ஒன்றியத் தலைவர் பில்லப்பன் தலைமை வகித்தார். ஐ.டி. பிரிவு மாநிலச் செயலாளர் திலீப் கண்ணன், மாவட்டத் தலைவர் மேப்பல் சக்தி, மாவட்ட பொதுச் செயலாளர் பாலமுருகன், தெற்கு ஒன்றியத் தலைவர் மயில்சாமி உள்ளிட்டோர் பங்கேற்றனர்.