Published : 15 Jul 2021 03:15 AM
Last Updated : 15 Jul 2021 03:15 AM
திருவாரூர் மாவட்ட சுற்றுச் சூழல் மன்றம் சார்பில், சமக்ரா திட்டத்தின் கீழ் ஒன்றிய அளவில் நடைபெற்ற இணையவழி கட்டுரைப் போட்டியில் முதல் 3 இடங்களை முறையே சற்குணேஸ்வரபுரம் ஊராட்சி ஒன்றிய நடுநிலைப் பள்ளி 8-ம் வகுப்பு மாணவ, மாணவிகளான எழிலரசன், பாலசுப்ரமணியம், கோபிகா ஆகியோர் வென்றனர்.
வெற்றி பெற்றவர்களுக்கு, அப்பள்ளியில் நேற்று முன்தினம் நடைபெற்ற நிகழ்ச்சியில் முதல் பரிசாக டேப்லெட், 2-ம் பரிசாக ஸ்மார்ட் போன், 3-ம் பரிசாக அறிவியல் கால்குலேட்டர் ஆகியவை வழங்கப்பட்டன.
பரிசுகளை இரவாஞ்சேரி மேல்நிலைப் பள்ளி தலைமை ஆசிரியர் ராஜா வழங்கினார். நிகழ்வில், சற்குணேஸ்வரபுரம் பள்ளித் தலைமை ஆசிரியை இரா.ஜெயந்தி உள்ளிட்டோர் கலந்து கொண்டனர்.
Sign up to receive our newsletter in your inbox every day!
WRITE A COMMENT