திண்டுக்கல்லில் 12 ஆண்டுகளுக்கு பிறகு : திட்ட இயக்குநராக ஐ.ஏ.எஸ். அதிகாரி நியமனம் :

திண்டுக்கல்: திண்டுக்கல் மாவட்ட ஊரக வளர்ச்சி முகமை திட்ட இயக்குநராக பணிபுரிந்த திலகவதி பணியிட மாற்றம் செய்யப்பட்டார். இதையடுத்து சி.தினேஷ்குமார் ஐ.ஏ.எஸ். திண்டுக்கல் மாவட்ட ஊரக வளர்ச்சி முகமை திட்ட இயக்குநராக நேற்று பொறுப்பேற்றார். இவர் 2017-ம் ஆண்டு ஐ.ஏ.எஸ். தேர்ச்சி பெற்று தேனி மாவட்டத்தில் உதவி ஆட்சியராக (பயிற்சி) பணிபுரிந்தார். அதனைத் தொடர்ந்து மத்திய நிதி அமைச்சகத்தில் உதவி செயலாளராக பணிபுரிந்தார். தொடர்ந்து சிவகாசி சார் ஆட்சியராக பணிபுரிந்தார்.

தற்போது திண்டுக்கல் மாவட்ட ஊரக வளர்ச்சி முகமை திட்ட இயக்குநராக பணியிட மாற்றம் செய்யப்பட்டதை அடுத்து நேற்று பொறுப்பேற்றுக் கொண்டார். முன்னதாக 2009-ம் ஆண்டு திண்டுக்கல் மாவட்ட ஊரக வளர்ச்சி முகமை திட்ட இயக்குநராக பூஜா குல்கர்னி ஐ.ஏ.எஸ். பணிபுரிந்தார். இதையடுத்து 12 ஆண்டுகளுக்கு பிறகு தற்போது ஐ.ஏ.எஸ். அதிகாரி நியமிக்கப்பட்டுள்ளார்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow