நெல்லையில் கரோனா பாதிப்பு குறைகிறது : தூத்துக்குடி மாவட்டத்தில் தொற்று அதிகரிப்பு

திருநெல்வேலி மாவட்டத்தில் கடந்த சில வாரங்களாகவே ஏறுமுகத்தில் இருந்த கரோனா பாதிப்பு நேற்று குறைந்துள்ளது.

மாவட்டத்தில் கரோனாவால் பாதிக்கப்பட்டோர் எண்ணிக்கை கடந்த சில நாட்களாக 800-க்குமேல் இருந்தது. இந்நிலையில் கடந்த 2 நாட்களாக பாதிப்பு எண்ணிக்கை குறைந்து வருகிறது. நேற்று முன்தினம் பாதிப்பு எண்ணிக்கை 691- ஆக இருந்த நிலையில், நேற்று அது பாதிக்கும்கீழ் குறைந்து 330 ஆக இருந்தது.

திருநெல்வேலி மாநகரில் 143, அம்பாசமுத்திரம்- 34, மானூர்- 18, நாங்குநேரி- 11,பாளையங்கோட்டை- 40, பாப்பாக்குடி- 13, ராதாபுரம்- 12, வள்ளியூர்- 42, சேரன்மகாதேவி- 6, களக்காடு- 11. திருநெல்வேலி மாவட்டத்தில் நேற்று ஒரே நாளில் 6 பேர் கரோனாவுக்கு உயிரிழந்தனர்.

பொது ஊரடங்கு அமல்படுத்தப்பட்டு ஒரு வாரமாகும் நிலையில், பொதுமக்களும் போதிய ஒத்துழைப்பு கொடுத்து வருகின்றனர். இதன் எதிரொலியாக, நோய் தொற்று பாதிப்பு குறைந்து வருவது ஆறுதல் அளிக்கிறது. இதுபோல், பொதுமக்கள் தொடர்ந்து ஒத்துழைப்பு வழங்க வேண்டும் என, மாவட்ட நிர்வாகம் வலியுறுத்தி இருக்கிறது.

கன்னியாகுமரி

கன்னியாகுமரி மாவட்டத்தில் கடந்த 10-ம் தேதியில் இருந்து தினமும் 1,000 முதல் 1,500 பேர் வரை கரோனா தொற்றால் பாதிக்கப்பட்டனர். சிகிச்சை பலனின்றி தினமும் 10 முதல் 20 பேர் வரை மரணமடைந்து வந்தனர். இந்நிலையில் நேற்று தொற்று ஏற்பட்டவர்களின் எண்ணிக்கை 1,000-க்கு கீழாக குறைந்தது. 900 பேருக்கு மட்டுமே பாதிப்புகண்டறியப்பட்டது. இதுபோல் உயிரிழப்பு எண்ணிக்கையும் நேற்று 8 பேராக குறைந்தது.மாவட்டம் முழுவதும் இதுவரை கரோனா வால் 35,200 பேர் பாதிக்கப்பட்டுள்ளனர். மருத்துவமனைகள் மற்றும் வீட்டு தனிமைப்படுத்தல் என மொத்தம் 4,686 பேர் சிகிச்சையில் உள்ளனர்.

தூத்துக்குடி

தூத்துக்குடி மாவட்டத்தில் நேற்று ஒரேநாளில் 1,024 பேருக்கு கரோனா தொற்றுஉறுதி செய்யப்பட்டது. இதன் மூலம் மாவட்டத்தில் இதுவரை பாதிக்கப்பட்டவர்களின் எண்ணிக்கை 36,365 ஆக அதிகரித்துள்ளது. நேற்றுஒரே நாளில் 941 பேர் குணமடைந்து வீடு திரும்பினர். இதுவரை மொத்தம் 30,703 பேர் கரோனாவில் இருந்து குணமடைந்துள்ளனர். நேற்று ஒரே நாளில் 5 பேர் உயிரிழந்தனர்.

பொது ஊரடங்கு அமல்படுத்தப்பட்டு ஒரு வாரமாகும் நிலையில், பொதுமக்களும் போதிய ஒத்துழைப்பு கொடுத்து வருகின்றனர்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow