தூத்துக்குடி மாவட்டத்தில் - காங்கிரஸ், அமமுக, சமக வேட்பாளர்கள் மனு தாக்கல் : 6 தொகுதிகளிலும் இதுவரை 95 பேர் வேட்பு மனு

தூத்துக்குடி மாவட்டத்தில் காங்கிரஸ், மார்க்சிஸ்ட், அமமுக, சமக,புதிய தமிழகம், நாம் தமிழர், மக்கள்நீதிமய்யம் கட்சி வேட்பாளர்கள் உட்பட 43 பேர் நேற்று வேட்பு மனுதாக்கல் செய்தனர். 6 தொகுதிகளிலும் இதுவரை 95 பேர் மனு தாக்கல் செய்துள்ளனர்.

கோவில்பட்டி சட்டப்பேரவை தொகுதியில் போட்டியிடும் மார்க்சிஸ்ட் வேட்பாளர் கே.சீனிவாசன் பயணியர் விடுதியில் இருந்து கூட்டணி கட்சியினருடன் ஊர்வலமாக கோட்டாட்சியர் அலுவலகம் வந்து,தேர்தல் நடத்தும் அலுவலர் சங்கரநாராயணனிடம் வேட்பு மனு தாக்கல் செய்தார். தூத்துக்குடி மக்களவை உறுப்பினர் கனிமொழி, இந்திய கம்யூனிஸ்ட் மாவட்டச் செயலாளர் அழகுமுத்துப்பாண்டியன் ஆகியோர் உடனிருந்தனர்.

வேட்புமனுவில் அவர், தனக்கு ரூ.4 லட்சத்து 48 ஆயிரத்து 766.73 மதிப்பிலும், மனைவிக்கு ரூ.12 லட்சத்து 16 ஆயிரத்து 740.13 மதிப்பிலும், தன்னை சார்ந்தவருக்கு ரூ.5 லட்சத்து 74 ஆயிரத்து 995.48 மதிப்பிலும் அசையும் சொத்துகள் இருப்பதாகவும், ரூ.6 லட்சத்து 97 ஆயிரத்து 441 மற்றும் ரூ.7 லட்சம் அசையா சொத்துகள் உள்ளதாகவும் குறிப்பிட்டுள்ளார்.

இதுபோல் மக்கள் நீதி மய்யம்கட்சி சார்பில் போட்டியிடும் ஜி.கதிரவன்(42), அனைத்திந்திய எம்.ஜி.ஆர் மக்கள் முன்னேற்றக் கழக நிறுவனர் எம்.ஜி.ஆர்.நம்பி, அகில பாரத இந்து மகா சபாமாவட்டச் செயலாளர் கே.மாணிக்கராஜா (39), பகுஜன் திராவிடக் கட்சி சார்பில் பிள்ளையார்நத்தத்தைச் சேர்ந்த சண்முகசுந்தரம்(34), சுயேச்சையாக கோவில்பட்டியைச் சேர்ந்த ரவிசங்கர்(48), பொன்னுச்சாமி(53), காளிராஜ்(40), கயத்தாறு அருகே உசிலங்குளத்தைச் சேர்ந்த பவுன்துரை(27), நாமக்கல் மாவட்டம் குமாரபாளையத்தைச் சேர்ந்த குணசேகரன்(60) என 10 பேர் வேட்புமனு தாக்கல் செய்தனர்.

தூத்துக்குடி

இந்து மக்கள் கட்சிசார்பில் மாநில துணைத் தலைவர் ராம குணசீலன், பகுஜன் திராவிட கட்சி சார்பில் மகாராஜன் உட்பட தூத்துக்குடி தொகுதியில் நேற்று 4 பேர் உட்பட இதுவரை மொத்தம் 15 பேர் வேட்புமனு தாக்கல் செய்துள்ளனர்.

வகுண்டம்

வைகுண்டம் தொகுதியில் போட்டியிடும் அமமுக வேட்பாளர் ரமேஷும் வேட்புமனு தாக்கல் செய்தார். இத்தொகுதியில் நேற்று 11 பேர் உட்பட இதுவரை 16 பேர் மனு தாக்கல் செய்துள்ளனர்.

திருச்செந்தூர்

விளாத்திகுளம்

புதிய தமிழகம் கட்சி வேட்பாளர் சி.முத்துகுமார், சுயேச்சை வேட்பாளர் பி.ராஜாமணி உட்பட மொத்தம் 7 பேர் வேட்புமனு தாக்கல் செய்தனர். மாவட்டத்தில் 6 தொகுதிகளிலும் நேற்று 43 பேர் உட்பட இதுவரை மொத்தம் 95 பேர் மனு தாக்கல் செய்துள்ளனர். ஓட்டப்பிடாரம் தொகுதியில் புதிய தமிழகம் கட்சிவேட்பாளர் கிருஷ்ணசாமி உட்பட 7 பேர் மனு தாக்கல் செய்தனர்.