கடலூர், விழுப்புரம், கள்ளக்குறிச்சி மாவட்டங்களில் - ஒரே நாளில் 74 வேட்பாளர்கள் வேட்பு மனுத்தாக்கல் செய்தனர் :

கடலூர், விழுப்புரம், கள்ளக்குறிச்சி மாவட்டங்களில் நேற்று ஒரே நாளில் 74 வேட்பாளர்கள் மனுத் தாக்கல் செய்தனர்.

விழுப்புரம் மாவட்டத்தில் உள்ள 7 தொகுதிகளில் வேட்பு மனுத்தாக்கல் தொடங்கிய கடந்த 12-ம் தேதி ஒருவர் கூட மனுத் தாக்கல் செய்யவில்லை.

இந்நிலையில் நேற்று அதிமுக, திமுக, பாமக, நாம் தமிழர் கட்சி மற்றும் சுயேட்சைகள் வேட்பு மனுத்தாக்கல் என பரபரப்பாகவே பிற்பகல் 3 மணி வரை காணப்பட்டது.

அந்தவகையில் செஞ்சியில் 9 வேட்பாளர்களும், மயிலம், வானூரில் தலா ஒரு வேட்பாளர், விக்கிரவாண்டி, விழுப்புரத்தில் தலா 8 வேட் பாளர்கள், திண்டி வனத்தில் 11 வேட்பாளர்கள், திருக்கோவிலூரில் 5 வேட்பாளர்கள் என நேற்று ஒரே நாளில் 43 வேட்பாளர்கள் வேட்பு மனுத் தாக்கல் செய்தனர்.

கடலூர் மாவட்டத்தில் 24 பேர் மனுத் தாக்கல்

சிதம்பரம் தொகுதியில் சுயேட்சை வேட்பாளர் பால முருகன் மனுத்தாக்கல் செய்தார். அன்று வேறு எவரும் வேட்புமனு தாக்கல் செய்ய வில்லை.

மாவட்டத்தில் உள்ள 9 தொகுதிகளிலும் நேற்று காலை அதிமுக, திமுக, பாமக, நாம்தமிழர் கட்சி, அமமுக, சுயேட்சைகள் மனுத்தாக்கல் செய்தனர்.

கடலூர் தொகுதியில் ஒரு வேட்பாளரும், சிதம்பரத்தில் 3 வேட்பாளர்கள்,நெய்வேலி தொகுதியில் 5பேர் வேட்பு மனுத் தாக்கல் செய்தனர். காட்டுமன்னார் கோவில், குறிஞ் சிப்பாடி,பண்ருட்டி, விருத்தாசலம், திட்டக்குடி தொகுதியில் தலா 2 வேட்பாளர்களும், புவனகிரியில் தொகுதியில் 5 வேட்பாளர்களும் மனுத்தாக்கல் செய்தனர்.

மொத்தம் நேற்று 24 வேட்பாளர்கள் மனுத்தாக்கல் செய்துள்ளனர்.

கள்ளக்குறிச்சி மாவட்டத்தில் 7 பேர் மனுத்தாக்கல்

நேற்று கள்ளக்குறிச்சி தனித் தொகுதியில் அதிமுக , நாம் தமிழர் கட்சி மற்றும் ஒரு சுயேட்சை என 3 பேரும், சங்கராபுரம் தொகுதியில் நாம் தமிழர், ஒரு சுயேட்சை என இருவரும், உளுந்தூர்பேட்டைத் தொகுதியில் அதிமுக மற்றும் ரிஷிவந்தியம் தொகுதியில் திமுக மற்றும் சுயேட்சை வேட்பாளர் என இருவர் உட்பட மொத்தம் 7 பேர் நேற்று வேட்புமனுத் தாக்கல் செய்தனர்.