விபத்தில் மாணவர் உயிரிழப்பு

தூத்துக்குடி தபால் தந்தி காலனி 11-வது தெருவைச் சேர்ந்த முகைதீன் அப்துல்காதர் மகன் முஷ்ரப் (19). இவர், தூத்துக்குடி அரசு பாலிடெக்னிக் கல்லூரியில் 3-ம் ஆண்டு படித்து வந்தார். முஷ்ரப் தனது மோட்டார் சைக்கிளில் 3-வது மைல் அருகே நேற்று சென்று கொண்டிருந்தார். எதிர்பாராதவிதமாக தவறி கீழே விழுந்த முஷ்ரப் சம்பவ இடத்திலேயே உயிரிழந்தார். தென்பாகம் போலீஸார் விசாரணை நடத்தி வருகின்றனர்.

கோவில்பட்டி

குளத்தூர் அருகே தருவைகுளம் சூசைமரியாள் நகரைச் சேர்ந்தவர் ஆண்டி(45). இவரது மனைவி முத்துலட்சுமியும் (40), மகன் மூர்த்தியும் (20) மோட்டார் சைக்கிளில் கெச்சிலாபுரம் சென்றனர். பனையூர் விலக்கு அருகே, முத்துலட்சுமியின் சேலை மோட்டார் சைக்கிளின் சக்கரத்தில் சிக்கியதில், நிலைதடுமாறி இருவரும் கீழே விழுந்தனர். படுகாயமடைந்த முத்துலட்சுமி, தூத்துக்குடி அரசு மருத்துவமனையில் சிகிச்சை பலனின்றி இறந்தார். லேசான காயமடைந்த மூர்த்தி வேப்பலோடை அரசு மருத்துவமனையில் சிகிச்சை பெற்றார். குளத்தூர் போலீஸார் வழக்கு பதிவு செய்தனர்.