எம்ஜிஆரின் 104-வது பிறந்தநாள் விழா

எம்ஜிஆர் பிறந்தநாளையொட்டி அவரது உருவச்சிலைக்கு அதிமுக, அமமுகவினர் மாலை அணிவித்து மரியாதை செலுத்தினர்.

அதிமுக நிறுவனரும், தமிழக முன்னாள் முதல்வருமான எம்ஜிஆரின் 104-வது பிறந்தநாள் விழா நேற்று கொண்டாடப்பட்டது. திருப்பத்தூர் மாவட்ட அதிமுக சார்பில் திருப்பத்தூர், வாணியம் பாடி மற்றும் ஆம்பூர் பகுதிகளில் எம்ஜிஆர் சிலைக்கு மாலை அணிவிப்பு மற்றும் அதிமுக கொடி ஏற்றும் நிகழ்ச்சிகள் நடைபெற்றன. வாணியம்பாடியில் உள்ள எம்ஜிஆர் சிலைக்கு அமைச்சர் கள் கே.சி.வீரமணி, நிலோபர்கபீல் ஆகியோர் மாலை அணிவித்து மரியாதை செலுத்தினர். பிறகு, பொதுமக்களுக்கு இனிப்பு, ஏழை, எளிய மக்களுக்கு இலவச வேட்டி, சேலையை அமைச்சர்கள் வழங்கினர். இந்நிகழ்ச்சியில், அதிமுக பிரமுகர்கள், டி.டி.குமார், முன்னாள் எம்எல்ஏக்கள் கே.ஜி.ரமேஷ் (திருப்பத்தூர்), கோ.வி.சம்பத்குமார் (வாணியம்பாடி), உட்பட பலர் கலந்து கொண்டனர்.

அதேபோல, வேலூர் மாநகர மாவட்டம் சார்பில் காட்பாடி செங் குட்டை பகுதியில் எம்ஜிஆர் உருவச் சிலைக்கு மாநகர மாவட்டச் செய லாளர் எஸ்.ஆர்.கே. அப்பு மாலை அணிவித்து மரியாதை செலுத்தி னார். இதையடுத்து, ஓடைப்பிள்ளை யார் கோயில் எதிரேயுள்ள எம்ஜிஆர் சிலைக்கு அதிமுக சார்பில் மாலை அணிவிக்கப்பட்டது.

மேலும், காந்தி நகர் ரவுண் டானா, சத்துவாச்சாரி நீதிமன்றம் அருகே எம்ஜிஆர் உருவப்படத் துக்கு மாலை அணிவிப்பு நிகழ்ச்சிநடைபெற்றது. இதைத்தொடர்ந்து, வேலூர் பழைய மாநகராட்சி அலுவ லக வளாகத்தில் உள்ள எம்ஜிஆர் உருவச்சிலைக்கு மாவட்டச் செய லாளர் எஸ்.ஆர்.கே.அப்பு மாலை அணிவித்து, கட்சி கொடியை ஏற்றி வைத்து மரியாதை செலுத்தினார். இதையடுத்து, தொரப்பாடி பகுதி யில் உள்ள எம்ஜிஆர் உருவச் சிலைக்கு அதிமுகவினர் மாலை அணிவித்து பொதுமக்களுக்கு இனிப்புகளை வழங்கினர்.

இந்நிகழ்ச்சியில், மாவட்டப் பொருளாளர் எம்.மூர்த்தி, காட்பாடி ஒன்றியச் செயலாளர் சுபாஷ், அதிமுக நிர்வாகிகள் நாராயணன், ஆனந்தன், ஜெயபிரகாஷ், பேரவை ரவி, ஜனார்த்தனன், சுந்தர்விஜய், ஏ.பி.எல்.சுந்தரம், குப்புசாமி, அமர்நாத், நாகு உட்பட பலர் கலந்து கொண்டனர்.

அதேபோல, அமமுக சார்பிலும் எம்ஜிஆர் பிறந்த நாள் விழா நேற்று பல்வேறு இடங்களில் கொண்டாடப்பட்டன.

ராணிப்பேட்டை மாவட்டம், அரக்கோணம், வாலாஜா, சோளிங் கர், ஆற்காடு, கலவை உள்ளிட்ட பகுதிகளில் அதிமுக சார்பில் எம்ஜிஆர் பிறந்தநாள் விழா நேற்று நடைபெற்றது. இதில், ஏராளமான அதிமுக தொண்டர்கள் கலந்து கொண்டனர்.