விமானப்படையில் சேர விண்ணப்பிக்க அழைப்பு

இந்திய விமானப்படையில் சேர விண்ணப்பிக்கலாம் என கிருஷ்ணகிரி மாவட்ட ஆட்சியர் ஜெயசந்திரபானு ரெட்டி தெரிவித்துள்ளார்.

இது குறித்து அவர் வெளியிட்டுள்ள அறிக்கை: இந்திய விமானப் படைக்கு ஆள்சேர்ப்பு முகாம் புதுச்சேரி மாநிலம் இந்திராகாந்தி ஸ்போர்ட்ஸ் காம்ப்ளக்சில் டிசம்பர் 10-ம் தேதி முதல் 19-ம் தேதி வரை நடைபெற உள்ளது. முகாமில் புதுச்சேரி, தமிழ்நாடு, அந்தமான் மற்றும் நிக்கோபார் தீவுகளைச் சேர்ந்த, 17 முதல் 21 வயது கொண்ட ஆண்கள் மட்டும் கலந்துக்கொள்ள, www.airmenselection.cdac.in என்ற இணையதளம் வாயிலாக வரும் 27, 28-ம் தேதிகளில் விண்ணப்பிக்க வேண்டும். 10-ம் வகுப்பு, பிளஸ் 2 முடித்தவர்களும், டிப்ளமோ முடித்தவர்களும், கல்லுாரியில் முதல் மற்றும் இரண்டாம் ஆண்டு படிப்பவர்களும் விண்ணப்பிக்கலாம். எனவே இந்த வாய்ப்பை கிருஷ்ணகிரி மாவட்டத்தைச் சேர்ந்த இளைஞர்கள் பயன்படுத்திக்கொள்ள வேண்டும்.