பிறந்து சில மணி நேரத்திலேயே முட்புதரில் வீசப்பட்ட குழந்தை மீட்பு

திருப்பத்தூர்: சிவகங்கை மாவட்டம், திருப்பத்தூர் அருகே காரையூர் இலங்கைத் தமிழர் குடியிருப்பு முகாம் பகுதியில் உள்ள முட்புதரில் நேற்று காலை குழந்தையின் அழுகைச் சத்தம் கேட்டது. இதையடுத்து அதே பகுதியைச் சேர்ந்த பெயின்டர் பிரபுதேவா, அவரது உறவினர் யோகலெட்சுமி ஆகியோர் முட்புதரில் சென்று பார்த்தபோது, எறும்புகள் மொய்த்தபடி பச்சிளம் ஆண் குழந்தை ஒன்று இருந்தது. மேலும் அந்தக் குழந்தை பிறந்து சில மணி நேரமே ஆகி இருந்தது. இதுகுறித்து கண்டவராயன்பட்டி போலீஸாருக்கு தகவல் கொடுத்தனர். அந்தக் குழந்தையை போலீஸார் மீட்டு, திருப்பத்தூர் அரசு மருத்துவமனையில் அனுமதித்தனர்.

FOLLOW US