நீடாமங்கலம், கோட்டூரில் உள்ள அரசு தொழிற்பயிற்சி நிலையத்தில் சேர நவ.20-ம் தேதி கடைசி நாள்

திருவாரூர் மாவட்டம் நீடாமங்கலம், மன்னார்குடி வட்டம் கோட்டூர் ஆகிய இடங்களில் உள்ள அரசு தொழிற்பயிற்சி நிலையங்களில் பயிற்சியில் சேர முதல் மற்றும் 2-ம் கட்ட கலந்தாய்வு நடந்து முடிந்த நிலையில், கம்பியாளர், பிட்டர், ரெப்ரிஜிரேட்டர் அண்ட் ஏர்கண்டிசனர், வெல்டர், பேஷன் டிசைன் அண்ட் டெக்னாலஜி ஆகிய பிரிவுகளில் காலியாக உள்ள இடங்களுக்கு நவ.20-ம் தேதி வரை நேரடி சேர்க்கை நடைபெறுகிறது.

தொழிற்பயிற்சி நிலையங்களில் பல்வேறு பொறியியல் மற்றும் பொறியியல் அல்லாத தொழிற்பிரிவுகளில் சேர்ந்து பயிற்சி பெற 8-ம் வகுப்பு மற்றும் 10-ம் வகுப்பு தேர்ச்சி பெற்றவர்கள் விண்ணப்பிக்கலாம். மேலும் விவரங்களுக்கு www.skilltraining.tn.gov.in என்ற இணையதளத்திலோ அல்லது நீடாமங்கலம், கோட்டூர் அரசு தொழிற்பயிற்சி நிலைய முதல்வர்களையோ தொடர்பு கொள்ளலாம் என மாவட்ட ஆட்சியர் வே.சாந்தா தெரிவித்துள்ளார்.