பின்னலாடை துணிகள் வாங்கி பண மோசடி

திருப்பூர்: திருப்பூர் பாரதி நகர் 2-வது வீதியை சேர்ந்தவர் வி.தங்கபாண்டியன் (51). இவர், மாநகர காவல் ஆணையர் அலுவலகத்தில் அளித்த புகாரில், "நான் மொத்த அடிப்படையில் பனியன் துணி வியாபாரம் செய்து வருகிறேன். எங்களிடம் திருப்பூரை சேர்ந்த பிரபல பின்னலாடை உற்பத்தி நிறுவன உரிமையாளரான வி.சுப்ரமணியம் என்பவர் கடனுக்கு துணிகள் வாங்கி, பின்னலாடைகளை உற்பத்தி செய்து வர்த்தகம் செய்து வருகிறார். வர்த்தகம் நடைபெற்ற பிறகு, அவர் எங்களுக்கான பணத்தை திரும்ப அளித்துவிடுவார். முழு நம்பிக்கை மற்றும் குறுகிய கால அடிப்படையில் இந்த வியாபாரம் நடைபெற்று வந்தது.

கடந்த 2017 முதல் கடந்த ஆண்டு வரை எங்களுக்கு ரூ.1.2 கோடி பணம் தர வேண்டியுள்ளது. நீண்ட நாட்களாகியும் பணத்தை தராமல் இழுத்தடித்து வருகிறார். அவர் மீது உரிய நடவடிக்கை எடுத்து, பணத்தை மீட்டுத் தர வேண்டும்" என்று குறிப்பிட்டுள்ளார்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow