செம்பட்டி அருகே லாரிகள் மோதல் : பெண் உட்பட 2 பேர் உயிரிழப்பு :

திண்டுக்கல்: மதுரை மாவட்டம், உசிலம்பட்டியைச் சேர்ந்தவர் செல்லாயி(45). திருப்பூரில் வசித்து வந்த இவர் வீட்டைக் காலி செய்துவிட்டு பொருட்களுடன் மினி லாரியில் ஊர் திரும்பிக் கொண்டிருந்தார். மினி லாரியை தேனி மாவட்டம், வருஷநாடு பகுதியைச் சேர்ந்த கோட்டைச்சாமி(31) ஓட்டி வந்தார். நேற்று அதிகாலை திண்டுக்கல் மாவட்டம், செம்பட்டி அருகே வீரசின்னம்பட்டி என்ற இடத்தில் சென்றபோது கேரளாவில் இருந்து அரியலூர் செல்லும் லாரி நேருக்கு நேர் மோதியது.

இதில் செல்லாயி, கோட்டைச்சாமி ஆகியோர் சம்பவ இடத்திலேயே உயிரிழந்தனர். மினி லாரியில் பயணம் செய்த செல்லாயி மகள் பிரியா(21), அண்ணன் பெரியபாண்டி(48) ஆகியோர் படுகாயங்களுடன் திண்டுக்கல் அரசு மருத்துவமனையில் சேர்க்கப்பட்டனர். இது குறித்து செம்பட்டி போலீஸார் வழக்குப் பதிவு செய்து விசாரணை நடத்தி வருகின்றனர்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow