ஓய்வுபெற்ற ஆசிரியர் வீட்டில் திருட்டு :

கலசப்பாக்கம் அருகே ஆசிரியர் வீட்டில் 5 பவுன் நகையை திருடிச் சென்றவர்களை காவல் துறையினர் தேடி வருகின்றனர்.

தி.மலை மாவட்டம் கலசப் பாக்கம் அடுத்த ஆணைவாடி கிராமத்தில் வசிப்பவர் ராஜாமணி(73). ஓய்வுபெற்ற ஆசிரியர். இவர், உறவினர் திருமண நிகழ்ச்சிக்காக, வீட்டை பூட்டிக் கொண்டு குடும்பத்துடன் கடந்த 16-ம் தேதி வெளியூர் சென்றுள்ளார். பின்னர், நேற்று முன்தினம் மாலை வீடு திரும்பி உள்ளார். அப்போது முன்பக்க கதவுகளின் பூட்டு உடைக்கப் பட்டு திறந்திருந்தது. மேலும், பீரோவில் இருந்த 5 பவுன் நகையை காணவில்லை.

இதுகுறித்து ராஜாமணி கொடுத்த புகாரின் பேரில் கலசப்பாக்கம் காவல்துறையினர் விசாரித்து வருகின்றனர்.