சமயபுரம் கோயில் உண்டியல் காணிக்கை ரூ.72.93 லட்சம் :

சமயபுரம் மாரியம்மன் கோயிலில் 37 உண்டியல்கள் நேற்று திறக்கப்பட்டு காணிக்கைகள் கணக்கிடப்பட்டன.

இதில், ரூ.72,93,918 ரொக்கம், தங்கம் 1 கிலோ 980 கிராம், வெள்ளி 3 கிலோ 585 கிராம், அயல்நாட்டு நோட்டுகள் 64 இருந்தன. உண்டியல் திறப்பு நிகழ்ச்சியில் கோயில் இணை ஆணையர் சி.கல்யாணி, இணை ஆணையர் அர.சுதர்சன், உதவி ஆணையர்கள் டி.விஜயராணி, நந்தகுமார், மேலாளர் ம.லட்சுமணன், அறநிலையத்துறை ஆய்வர் கு.தமிழ்ச்செல்வி உள்ளிட்டோர் உடனிருந்தனர்.