8 உழவர் சந்தைகளும் நாளை முதல் திறப்பு :

திருவண்ணாமலை மாவட்டத்தில் உள்ள 8 உழவர் சந்தைகளும் 19-ம் தேதி (நாளை) முதல் செயல்படும் என ஆட்சியர் பா.முருகேஷ் அறிவித்துள்ளார்.

இதுகுறித்து அவர் வெளியிட்டுள்ள செய்திக்குறிப்பில், “திருவண்ணாமலை வட்டாட்சியர் அலுவலக வளாகம் அருகே மற்றும் தாமரை நகர், செங்கம், போளூர், ஆரணி, செய்யாறு, வந்தவாசி மற்றும் கீழ்பென்னாத்தூர் என மாவட்டத்தில் உள்ள 8 உழவர் சந்தைகள் 19-ம் தேதி (நாளை) முதல் செயல்படும். விவசாயிகள் மற்றும் பொதுமக்கள் சமூக இடைவெளியை கடை பிடிக்க வேண்டும். கிருமி நாசினி பயன்படுத்தி கைகளை சுத்தம் செய்து கொள்ள வேண்டும்” என தெரிவித்துள்ளார்.