திருச்சி மாவட்டத்தில் - தொகுதி வாரியாக நடைபெறவுள்ள வாக்கு எண்ணிக்கை சுற்றுகள் விவரம் :

திருச்சி மாவட்டத்தில் உள்ள 9 தொகுதிகளிலும், தொகுதி வாரி யாக நடைபெறவுள்ள வாக்கு எண்ணிக்கை சுற்றுகள் விவரம் அறிவிக்கப்பட்டுள்ளது.

இதுகுறித்து மாவட்ட தேர் தல் நடத்தும் அலுவலரும், ஆட்சியருமான எஸ்.திவ்ய தர்ஷினி வெளியிட்ட செய்திக் குறிப்பு:

திருச்சி கிழக்கு, திருச்சி மேற்கு ஆகிய தொகுதிகளுக்கு ஜமால் முகமது கல்லூரியிலும், லால்குடி, மண்ணச்சநல்லூர் ஆகிய தொகுதிகளுக்கு சமயபுரம் கே.ராமகிருஷ்ணன் பொறியியல் கல்லூரியிலும், முசிறி, துறையூர் ஆகிய தொகுதிகளுக்கு கண்ணனூர் இமயம் பொறியியல் கல்லூரியிலும், மணப்பாறை, ரங்கம், திருவெறும்பூர் ஆகிய தொகுதிகளுக்கு திருச்சி சாரநாதன் பொறியியல் கல்லூரியிலும் வாக்கு எண்ணிக்கை நடைபெறவுள்ளது. ஒவ்வொரு தொகுதி வாக்கு எண்ணிக்கை மையத்திலும் தலா 14 மேஜைகள் அமைக்கப்பட்டுள்ளன.

தொகுதி வாரியாக நடைபெறும் வாக்கு எண்ணிக்கை சுற்றுகள் விவரம்: மணப்பாறை 30, ரங்கம் 32, திருச்சி மேற்கு 28, திருச்சி கிழக்கு 27, திருவெறும்பூர் 30, லால்குடி 22, மண்ணச்சநல்லூர் 25, முசிறி 24, துறையூர் (தனி) 23 சுற்றுகளில் வாக்கு எண்ணிக்கை நடைபெற உள்ளது.