லால்குடி கல்லூரியில் உலக புத்தக தின கொண்டாட்டம் :

திருச்சி மாவட்ட, லால்குடி அரசு கலை மற்றும் அறிவியல் கல்லூரியில் உலக புத்தக தினம் இணையவழியில் நேற்று கொண்டாடப்பட்டது.

இந்த நிகழ்ச்சிக்கு கல்லூரி முதல்வர் சி.மாரியம்மாள் தலைமை வகித்துப் பேசினார். திருச்சி வருமான வரித்துறை இணை ஆணையர் பி.தரன் சிறப்பு விருந்தினராகப் பங் கேற்று, புத்தங்களின் சிறப்பு குறித்தும், புத்தகங்கள் வாசிப் பதன் அவசியம் குறித்தும், ஐஏஎஸ் தேர்வில் தேர்ச்சி பெறுவதற்கான வழிமுறைகள் குறித்தும் பேசினார்.

நிகழ்ச்சியில் மாணவிகள் 3 புத்தகங்களை மதிப்புரை செய்து பேசினர். பேராசிரியர்கள் சாமிநாதன், ஜெய்சங்கர், சுலை மான், தீபாதேவி, சங்கீதா, விஜயபாரதி மற்றும் மாணவ, மாணவிகள் பங்கேற்றனர்.

முன்னதாக பேராசிரியர் சே.இளமதி வரவேற்றார். நிகழ்ச்சியை கல்லூரி புத்தக மைய ஒருங்கிணைப்பாளர் பேராசிரியர் ம.ராஜா தொகுத்து வழங்கினார்.