விவசாயி வீட்டில் 50 பவுன் நகை திருட்டு :

தி.மலை மாவட்டம் கண்ண மங்கலம் அடுத்த இரும்புலி கிராமத்தில் வசிப்பவர் விவசாயி குணசேகரன். இவர், தனது குடும்பத்துடன், நெல் அறுவடை பணியில் கடந்த 2 நாட்களாக ஈடுபட்டுள்ளார். இதனால், விவசாய நிலத்திலேயே தங்கி யுள்ளனர். இந்நிலையில், அவரது வீட்டின் முன் பக்க கதவின் பூட்டு உடைக்கப்பட்டு திறந்திருப்பதாக அக்கம் பக்கத்தினர் குணசேகரனுக்கு தகவல் கொடுத்தனர்.

அதன்பேரில் அவர் வீட்டுக்கு வந்து பார்த்தபோது, பீரோவில் இருந்த 50 பவுன் நகை, 500 கிராம் வெள்ளி மற்றும் ரூ.15 ஆயிரத்தை காணவில்லை. வீட்டு கதவின் பூட்டை உடைத்து உள்ளே புகுந்த மர்ம நபர்கள் பணம் மற்றும் நகை உள்ளிட்ட பொருட்களை திருடிச் சென்றதுதெரியவந்தது.

இது குறித்து கண்ணமங் கலம் காவல்துறையினர் வழக்குப்பதிவு செய்து மர்ம நபர்களை தேடி வருகின்றனர்.