சிதம்பரம் அருகே படகு கவிழ்ந்து 2 மீனவர்கள் உயிரிழப்பு

சிதம்பரம் அருகே படகு கவிழ்ந்து 2 பேர் உயிரிழந்தனர்.

சிதம்பரம் அருகே கிள்ளை சிங்காரக்குப்பம் பகுதியைச் சேர்ந்த அப்பு (40), எம்ஜிஆர் திட்டு பகுதியைச் சேர்ந்த குணசேகரன் (60), வீரத்தமிழன் (50), தமிழன் (52) ஆகிய 4 பேரும் குணசேகரனுக்கு சொந்தமான படகில் நேற்று முன்தினம் மீன்பிடிக்க கடலுக்கு சென்றனர். மீன் பிடித்து விட்டு நேற்று அதிகாலை திரும்பினர்.

எதிர்பாராத விதமாக வெள்ளாற்று முகத்துவாரத்தில் படகு கவிழ்ந்தது. இதில் அப்பு, குணசேகரன் ஆகிய 2 பேரும் நீந்தி கரைக்கு வந்து சேர்ந்தனர். இந்நிலையில் வீரத்தமிழன், தமிழன் ஆகிய 2 பேரின் உடலும் கரை ஒதுங்கியது.

இதுகுறித்து தகவலறிந்த கிள்ளை போலீஸார் சம்பவ இடத்துக்கு சென்று 2 உடல்களையும் கைப்பற்றி பிரேத பரிசோதனைக்காக சிதம்பரம் அரசு மருத்துவமனைக்கு அனுப்பி வைத்தனர். மேலும் போலீஸார் வழக்குப் பதிவு செய்து விசாரணை நடத்தி வருகின்றனர்.