ராமஜென்ம பூமி கட்டுமான பணிக்கு சக்திஅம்மா ரூ.1 லட்சம் நிதி

அயோத்தி ராமஜென்ம பூமி கட்டுமானப்பணிகளுக்கான நிதி திரட்டும் நிகழ்ச்சி கடந்த 14-ம் தேதி நாடு முழுவதும் தொடங் கியது. இந்நிலையில், வேலூர் மாவட்டத்தில் ராமஜென்ம பூமி நிதி திரட்டும் நிகழ்ச்சி அரியூர் புரம், நாராயணிபீடத்தில் தொடங்கியது.

 நாராயணிபீடம் சார்பில் ரூ.1 லட்சம் காசோலையை அயோத்தி ராமஜென்ம பூமி நிதிக்குழுவினரிடம்  சக்தி அம்மா வழங்கி ஆசி வழங்கினார்.

நிகழ்ச்சியில், புரம் பொற் கோயில் இயக்குநர் சுரேஷ்பாபு,  நாராயணி மருத்துவமனை மற்றும் ஆராய்ச்சி மையத்தின் இயக்குநர் பாலாஜி, ஆர்எஸ்எஸ் மாவட்டத் தலைவர் ஜெகசதீசன், கோட்ட அமைப்பாளர் கணேசன், பாஜக மாநில செயலாளர் கார்த்தி யாயினி உட்பட பலர் கலந்து கொண்டனர்.