பண்ருட்டியில் மகளிர் குழுவினருக்கு கடன் வழங்கல்

கீழ்அருங்குணம் தொடக்க வேளாண்மை கூட்டுறவுசங்கம் சார்பில் சேமிப்பு கடன் வழங்கும் விழா நேற்று பண்ருட்டியில் நடைபெற்றது. இதில் சத்யா பன்னீர்செல்வம் தலைமை தாங்கி 4 சுய உதவி குழுக்களைச் சேர்ந்த 63 மகளிருக்கு ரூ. 12 லட்சம் சேமிப்பு கடன்களை வழங்கினார்.

அண்ணா கிராமம் ஒன்றியக்குழு தலைவர் ஜானகிராமன், பண்ருட்டி முன்னாள்நகரமன்ற தலைவர் பன்னீர்செல்வம், ராமம் ஒன்றிய அதிமுக செயலாளர் பாபுபுஷ்பராஜ், கீழ்அருங்குணம்கூட்டுறவு சங்க தலைவர் மணி , கூட்டுறவு சங்க செயலாளர் சாம்பசிவம் உள்ளிட்ட பலர் கலந்து கொண்டனர்.