விவோ Y400 ஸ்மார்ட்போன் இந்தியாவில் அறிமுகம்: விலை, சிறப்பு அம்சங்கள் என்னென்ன?

சென்னை: இந்தியாவில் விவோ Y400 5ஜி ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.

சீன தேசத்தின் ஸ்மார்ட்போன் உற்பத்தி நிறுவனமான விவோ, உலகம் முழுவதும் தனது பிராண்டின் கீழ் போன்களை உற்பத்தி செய்து, விற்பனை செய்யும் பணியையும் கவனித்து வருகிறது. அதனால் தனது வாடிக்கையாளர்களை கவரும் வகையில் அந்நிறுவனம் புதிய மாடல் போன்களை சந்தையில் அறிமுகம் செய்வது வழக்கம்.

அந்த வகையில் இப்போது இந்தியாவில் விவோ Y400 ஸ்மார்ட்போன் அறிமுகம் ஆகியுள்ளது. விவோ நிறுவனத்தின் ‘Y’ வரிசை போன்கள் இந்திய ஸ்மார்ட்போன் பயனர்கள் மத்தியில் சிறப்பான வரவேற்பு உள்ளது குறிப்பிடத்தக்கது. அந்த வகையில் இந்த புதிய மாடலை விவோ நிறுவனம் அறிமுகம் செய்துள்ளது. விவோ Y400 ஸ்மார்ட்போனின் சிறப்பு அம்சங்கள்:

• 6.67 இன்ச் ஃபுள் ஹெச்டி+ AMOLED டிஸ்பிளே
• ஸ்னாப்டிராகன் 4 ஜெனரேஷன் 2 சிப்செட்
• ஆண்ட்ராய்டு 15 இயங்குதளம்
• ஏஐ அம்சங்களும் இதில் இடம்பெற்றுள்ளது
• 8ஜிபி ரேம்
• 128ஜிபி / 256ஜிபி ஸ்டோரேஜ்
• பின்பக்கத்தில் இரண்டு கேமரா உள்ளது. 50 மெகாபிக்சல் கொண்டுள்ளது பிரதான கேமரா
• 32 மெகாபிக்சல் கொண்டுள்ளது செல்ஃபி கேமரா
• 5ஜி நெட்வொர்க்
• யுஎஸ்பி டைப்-சி போர்ட்
• 6,000 mAh பேட்டரி
• 90 வாட்ஸ் திறன் கொண்ட சார்ஜர் இந்த போனுடன் கிடைக்கிறது
• இரண்டு வண்ணங்களில் இந்த போன் வெளிவந்துள்ளது
• இந்த போனின் விலை ரூ.21,999 முதல் தொடங்குகிறது
• வரும் 7-ம் தேதி முதல் இந்த போனின் விற்பனை ஆரம்பமாகிறது