மோட்டோ ஜி86 பவர் ஸ்மார்ட்போன் இந்தியாவில் அறிமுகம்: விலை, சிறப்பு அம்சங்கள் என்னென்ன?

சென்னை: இந்தியாவில் மோட்டோரோலா நிறுவனத்தின் மோட்டோ ஜி86 பவர் ஸ்மார்ட்போன் அறிமுகமாகி உள்ளது. இந்தப் போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.

அமெரிக்காவை தலைமையிடமாக கொண்டு இயங்கி வருகிறது மோட்டோரோலா மொபிலிட்டி. இது சீன தேச நிறுவனமான லெனோவா நிறுவனத்தின் துணை நிறுவனமாகும். இந்தியாவில் அவ்வப்போது புது போன்களை மோட்டோ விற்பனைக்கு கொண்டு வருவது வழக்கம்.

அந்த வகையில் மோட்டோரோலா ஜி86 பவர் ஸ்மார்ட்போன் தற்போது அறிமுகமாகி உள்ளது. 4கே வீடியோ ரெக்கார்டிங், ஏஐ அம்சங்கள் கொண்டுள்ளது. மூன்று வண்ணங்களில் இந்த போன் வெளிவந்துள்ளது. வரும் ஆகஸ்ட் 6-ம் தேதி முதல் இந்த போனின் விற்பனை தொடங்குகிறது.

மோட்டோ ஜி86 பவர் ஸ்மார்ட்போன் சிறப்பு அம்சங்கள் என்னென்ன?

6.67 இன்ச் AMOLED டிஸ்பிளே
மீடியாடெக் டிமான்சிட்டி 7400 சிப்செட்
ஆண்ட்ராய்டு 15 இயங்குதளம்
6720mAh பேட்டரி
33 வாட்ஸ் சார்ஜிங் ஸ்பீடு
யுஎஸ்பி டைப்-சி
5ஜி நெட்வொர்க்
பின்பக்கத்தில் இரண்டு கேமரா. அதில் 50 மெகாபிக்சல் கொண்டுள்ளது பிரதான கேமரா. சோனி சென்சாரும் அதில் உள்ளது
32 மெகாபிக்சல் கொண்டடுள்ளது முன்பக்க கேமரா
8 ஜிபி ரேம்
128 ஜிபி ஸ்டோரேஜ்
இந்த போனின் விலை ரூ.17,999 என அறிவிக்கப்பட்டுள்ளது