விவோ Y39 5ஜி ஸ்மார்ட்போன் இந்தியாவில் அறிமுகம் - விலை, சிறப்பு அம்சங்கள்

சென்னை: இந்தியாவில் விவோ Y39 5ஜி ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம். ஸ்க்ரீன் ட்ரான்ஸ்லஷன், ஏஐ ஆடியோ அல்கோரிதம் மாதிரியான ஏஐ டூல் அம்சங்களும் இதில் உள்ளன.

சீன தேசத்தின் ஸ்மார்ட்போன் உற்பத்தி நிறுவனமான விவோ, உலகம் முழுவதும் தனது பிராண்டின் கீழ் போன்களை உற்பத்தி செய்து, விற்பனை செய்யும் பணியையும் கவனித்து வருகிறது. அதனால் தனது வாடிக்கையாளர்களை கவரும் வகையில் அந்நிறுவனம் புதிய மாடல் போன்களை சந்தையில் அறிமுகம் செய்வது வழக்கம்.

அந்த வகையில் இந்தியாவில் விவோ Y39 ஸ்மார்ட்போன் தற்போது வெளியாகி உள்ளது. விவோ ‘Y’ சீரிஸில் முதல் முறையாக ஏஐ அம்சங்கள் இடம்பெற்றுள்ள போனாக இது உள்ளது. மிட் செக்மென்ட் விலையில் வெளிவந்துள்ள ஸ்மார்ட்போன் இது. இரண்டு வண்ணங்களில் இந்த போன் வெளிவந்துள்ளது. சிறப்பு அம்சங்கள்:

• 6.68 இன்ச் எல்சிடி டிஸ்பிளே
• ஆண்ட்ராய்டு 15 இயங்குதளம்
• இரண்டு ஆண்டுகளுக்கு ஆண்ட்ராய்டு அப்டேட்
• குவால்காம் எஸ்எம்4450 ஸ்னாப்டிராகன் 4 ஜெனரேஷன் 2 சிப்செட்
• 50 மெகாபிக்ஸல் கொண்டுள்ளது பின்பக்கத்தில் உள்ள பிரதான கேமரா. 2 மெகாபிக்சல் கொண்ட கேமராவும் உள்ளது
• 8 மெகாபிக்சல் கொண்டுள்ளது முன்பக்க கேமரா
• யுஎஸ்பி டைப்-சி போர்ட்
• 44 வாட்ஸ் சார்ஜிங் திறன்
• 6,500 mAh பேட்டரி
• 8ஜிபி ரேம்
• 128 / 256ஜிபி ஸ்டோரேஜ்
• இந்த போனின் விலை ரூ.16,999 முதல் தொடங்குகிறது