கோவை - மங்களூரு இடையிலான 2 ரயில்கள் நாளை பகுதியளவு ரத்து

கோவை: சேலம் கோட்ட ரயில்வே அலுவலகம் வெளியிட்ட செய்திக் குறிப்பில், "கேரளாவில் உள்ள செருவத்தூர்-நீலேஸ்வர் ரயில்நிலையங்களுக்கு இடையே பராமரிப்புப்பணிகள் நடைபெற உள்ளதால், கோவையில் இருந்து நாளை (மே 18) காலை 6 மணிக்கு மங்களூரு சென்ட்ரல் புறப்பட்டு செல்லும் எக்ஸ்பிரஸ் ரயில் (எண்: 22610), பையனூர்-மங்களூரு சென்ட்ரல் ரயில்நிலையங்களுக்கு இடையே ரத்து செய்யப்படுகிறது. எனவே, இந்த ரயில் கோவையில் இருந்து பையனூர் வரை மட்டுமே இயக்கப்படும். பையனூர்-மங்களூரு சென்ட்ரல் இடையே இந்த ரயில் இயக்கப்படாது.

மேலும், கோவையில் இருந்து நாளை காலை 7.50 மணிக்கு மங்களூரு சென்ட்ரல் புறப்பட்டுச் செல்லும் முன்பதிவில்லா ரயில் (எண்: 16323), செருவத்தூர்-மங்ளூரு இடையே ரத்து செய்யப்படுகிறது. இந்த ரயில் கோவையில் இருந்து செருவத்தூர் வரை மட்டுமே இயக்கப்படும். செருவத்தூர்-மங்களூரு சென்ட்ரல் இடையே இயக்கப்படாது"என்று தெரிவிக்கப்பட்டுள்ளது.