மார்ச் 24-ல் காட்பாடி - ஜோலார்பேட்டை மெமு விரைவு ரயில் ரத்து

சென்னை: காட்பாடி - ஜோலார்பேட்டை இடையே மார்ச் 24-ம் தேதி இயக்கப்படும் மெமு விரைவு ரயில் ரத்து செய்யப்படவுள்ளது.

இதுகுறித்து தெற்கு ரயில்வே வெளியிட்ட செய்திக்குறிப்பு: சென்னை ரயில்வே கோட்டத்தில் பல்வேறு வழித்தடங்களில் தண்டவாளம் பராமரிப்பு பணி நடைபெறுகிறது.

இதன் காரணமாக, காட்பாடி சந்திப்பு - ஜோலார்பேட்டைக்கு மார்ச் 24-ம் தேதி காலை 9.30 மணிக்கு இயக்கப்படும் மெமு விரைவு ரயில், ஜோலார்பேட்டை - காட்பாடிக்கு நண்பகல் 12.40 மணிக்கு இயக்கப்படும் மெமு விரைவு ரயில் ஆகியவை ரத்து செய்யப்பட உள்ளன.இவ்வாறு அதில் கூறப்பட்டுள்ளது.