நாளை சென்னை வரும் மல்லிகார்ஜுன கார்கேவுக்கு சிறப்பு வரவேற்பு அளிக்க அழைப்பு

தமிழக காங்கிரஸ் தலைவர் கே.எஸ்.அழகிரி நேற்று வெளியிட்ட அறிக்கை: திமுக தலைவரும், முதல்வருமான மு.க.ஸ்டாலினின் 70-வது பிறந்தநாள் விழா பொதுக்கூட்டம், மார்ச் 1-ம் தேதி (நாளை) மாலை 5 மணிக்கு சென்னை நந்தனம் ஒய்எம்சிஏ திடலில் நடைபெற உள்ளது. பொதுக்கூட்டத்தில், அகில இந்திய காங்கிரஸ் தலைவர் மல்லிகார்ஜுன கார்கே வாழ்த்துரை வழங்க அழைக்கப்பட்டுள்ளார்.

அகில இந்திய காங்கிரஸ் தலைவராக பொறுப்பேற்ற பிறகு, முதல்முறையாக அவர் சென்னைக்கு வரும் அவருக்கு. 1-ம் தேதி பகல் 12 மணி அளவில் சென்னை விமான நிலையத்தில பிரம்மாண்ட வரவேற்பு வழங்க வேண்டும் என சென்னை, திருவள்ளூர், காஞ்சிபுரம், செங்கல்பட்டு மாவட்ட காங்கிரஸ் தலைவர்களையும், கட்சியினரையும் கேட்டுக்கொள்கிறேன்.