பழநி கும்பாபிஷேகத்துக்கு சிறப்பு ரயில்

மதுரை: பழநி தண்டாயுதபாணி கோயில் கும்பாபிஷேகம் நாளை (ஜன 27) நடைபெறுகிறது. தைப்பூச விழா பிப். 5-ல் நடைபெறுகிறது.

இதையொட்டி பயணிகள் வசதிக் கென மதுரை - பழநி இடையே முன்பதிவு இல்லாத சிறப்பு ரயில் இயக்க, தெற்கு ரயில்வே ஏற்பாடு செய்துள்ளது. இதன்படி, மதுரை - பழநி முன்பதிவில்லா சிறப்பு ரயில் (06080) ஜனவரி 26, 27 மற்றும் பிப்ரவரி 3, 4, 5 ஆகிய நாட்களில் மதுரையிலிருந்து காலை 10 மணிக்கு புறப்பட்டு பிற்பகல் 12.30 மணிக்கு பழநி சென்று சேரும்.

மறு மார்க்கத்தில் இதே நாட்களில் பழநி - மதுரை முன்பதிவில்லா விரைவு ரயில் (06079) பழநியில் இருந்து பிற்பகல் 2.30 மணிக்கு புறப்பட்டு மாலை 5 மணிக்கு மதுரை வந்து சேரும். இந்த ரயில்கள் சோழவந்தான், கொடைரோடு, அம்பாத்துரை, திண்டுக்கல், ஒட்டன்சத்திரம் ஆகிய ரயில் நிலை யங்களில் நின்று செல்லும்.