கிறிஸ்துமஸை முன்னிட்டு கோவை வழியாக எர்ணாகுளம் - சென்னை இடையே சிறப்பு ரயில்கள் இயக்கம்

கோவை: கிறிஸ்துமஸை முன்னிட்டு கோவை வழியாக எர்ணாகுளம்-சென்னை சென்ட்ரல் இடையே சிறப்பு ரயில்கள் இயக்கப்படும் என அறிவிக்கப்பட்டுள்ளது.

இதுதொடர்பாக சேலம் கோட்ட ரயில்வே அலுவலகம் வெளியிட்ட செய்திக் குறிப்பில், “கிறிஸ்துமஸ் கூட்ட நெரிசலை தவிர்க்கும் வகையில், எர்ணாகுளம்-சென்னை சென்ட்ரல் இடையிலான சிறப்பு ரயில் (எண்:06046) இன்று (டிச.22) இரவு 11.20 மணிக்கு எர்ணாகுளத்தில் இருந்து புறப்பட்டு, நாளை காலை 11.30 மணிக்கு சென்னை சென்ட்ரல் சென்றடையும்.

சென்னை சென்ட்ரல்-எர்ணாகுளம் இடையிலான சிறப்பு ரயில் (எண்:06045), சென்னை சென்ட்ரலில் இருந்து 23-ம் தேதி பிற்பகல் 2.50 மணிக்கு புறப்பட்டு, மறுநாள் அதிகாலை 3.10 மணிக்கு எர்ணாகுளம் சென்றடையும். செல்லும் வழியில் இந்த ரயில்கள் ஆலுவா, திருச்சூர், பாலக்காடு, கோவை, திருப்பூர், ஈரோடு, சேலம், ஜோலார்பேட்டை, காட்பாடி, அரக்கோணம் ரயில்நிலையங்களில் நின்று செல்லும். இதில், எர்ணாகுளம்-சென்னை சென்ட்ரல் இடையிலான ரயில் பெரம்பூரிலும் நின்று செல்லும்” எனத் தெரிவிக்கப்பட்டுள்ளது.