ஸ்டாலினுக்கு அரசியல் நாகரிகம் தெரியவில்லை: ஹெச்.ராஜா குற்றச்சாட்டு

சேலத்தைச் சேர்ந்த பாஜக மூத்த தலைவர் லட்சுமணனை, பாஜக தேசிய செயலாளர் ஹெச்.ராஜா நேற்று சந்தித்து உடல் நலன் விசாரித்தார். பின்னர் அவர் கூறியதாவது:

சீன எல்லையில் ஏற்பட்டுள்ள பதற்றமான சூழலில், விசிக தலைவர் திருமாவளவன் இணையதளத்தில் ‘இந்திய-சீன எல்லையில் கோ பேக் மோடி’ என போலியான படத்தை பதிவிட்டு, அரசியல் செய்து வருகிறார். இதுபோன்ற செயலில் ஈடுபடும் திருமாவளவனை கைது செய்ய மத்திய அரசுக்கு அழுத்தம் கொடுப்போம்.

திமுக-வில் நல்ல மனநிலை உள்ள தலைவர்கள் இல்லை. அனைத்து சமுதாயத்தைச் சேர்ந்தவர்களையும் இழிவுபடுத்துவதில் திமுக-வினர் குறியாக உள்ளனர். தமிழக பாஜக தலைவராக பொறுப்பேற்ற முருகனுக்கு, வாழ்த்து சொல்லும் அரசியல் நாகரிகம் கூட திமுக தலைவர் ஸ்டாலினுக்கு இல்லை.

இவ்வாறு அவர் கூறினார்.