ராமநாதபுர ஊராட்சிக் குழுவை கைப்பற்றுகிறது திமுக கூட்டணி 

ராமநாதபுரம் மாவட்ட ஊராட்சி வார்டில் அதிக இடங்களில் வெற்றி பெற்றதன் மூலம் மாவட்ட ஊராட்சித் தலைவர், துணைத் தலைவர் பதவிகளை திமுக கைப்பற்ற உள்ளது.

ராமநாதபுரம் மாவட்டத்தில் 11 ஊராட்சி ஒன்றியங்களில் உள்ள 17 மாவட்ட ஊராட்சி உறுப்பினருக்கான தேர்தலில் அதிமுக 4 வார்டுகளிலும், பாஜக ஒன்றிலும், திமுக 11 வார்டுகளிலும், காங்கிரஸ் 1 வார்டிலும் வெற்றி பெற்றன.

வெற்றி பெற்றவர்கள் விவரம்:

1-வது வார்டு உ.திசைவீரன்(திமுக), 2-வது வார்டு பூ.ஜெகதீஸ்வரி(அதிமுக), 3-வது வார்டு நா.உஷாராணி(அதிமுக), 4-வது வார்டு ஆ.காளியம்மாள்(திமுக), 5-வது வார்டு ப.கற்பகவள்ளி(அதிமுக), 6-வது வார்டு க.ஈஸ்வரி(திமுக), 7-வது வார்டு செ.முருகேசன்(திமுக), 8-வது வார்டு அ.கோவிந்தம்மாள்(திமுக), 9-வது வார்டு பி.நவஜோதி(அதிமுக), 10-வது வார்டு வ.வாசுதேவன்(திமுக), 11-வது வார்டு போ.சசிக்குமார்(திமுக), 12-வது வார்டு வீ.வேலுச்சாமி(காங்கிரஸ்), 13-வது வார்டு ஆர்.செல்வி(பாஜக), 14-வது வார்டு கொ.கார்த்திகேஸ்வரி(திமுக), 15-வது வார்டு க.ஆதித்தன்(திமுக), 16-வது வார்டு கவிதா கதிரேசன்(திமுக), 17-வது வார்டு ஆ.ரவிச்சந்திர ராமவன்னி(திமுக) ஆகியோர் வெற்றி பெற்றுள்ளனர்.

மொத்தமுள்ள 17 வார்டுகளில் திமுக 11 வார்டுகளில் வெற்றி பெற்றுள்ளதால் ராமநாதபுரம் மாவட்ட ஊராட்சித் தலைவர் மற்றும் துணைத் தலைவர் பதவிகளை திமுக கைப்பற்ற உள்ளது.