சென்னையில் அனைத்து வாக்குச்சாவடிகளிலும் இன்று ​முதல் நவ.25 வரை வாக்காளர் உதவி மையம் செயல்படும்: தேர்தல் அதிகாரி தகவல்

சென்னை: சென்னை மாவட்​டத்​தில் அனைத்து வாக்​குச்​சாவடிகளி​லும் இன்​று​முதல் நவ.25-ம் தேதி வரை வாக்​காளர் உதவி மையங்​கள் செயல்​படும் என்று மாவட்ட தேர்​தல் அதி​காரி ஜெ.குமரகுருபரன் தெரி​வித்​துள்​ளார்.

இது தொடர்​பாக அவர் வெளி​யிட்ட செய்​திக்​குறிப்​பில் கூறி​யிருப்​ப​தாவது: சென்னை மாநக​ராட்​சிக்கு உட்​பட்ட 16 சட்​டப்​பேரவை தொகு​தி​களி​லும் வாக்​காளர் பட்​டியல் சிறப்பு தீவிர திருத்​தப் பணி​கள் நடை​பெற்று வரு​கின்​றன. இதில் அனைத்து தொகு​தி​களி​லும் பிஎல்​ஓ-க்​கள் வீடு வீடாகச் சென்று வாக்​காளர்​களுக்கு எஸ்​ஐஆர் படிவங்​களை வழங்​கி, நிரப்​பப்​பட்ட படிவங்​களை மீண்​டும் பெற்று வரு​கின்​றனர்.

இந்த நடவடிக்​கை​களின் தொடர்ச்​சி​யாக, படிவங்​களைப் பூர்த்தி செய்​வ​தில் வாக்​காளர்​களுக்கு ஏற்​படும் சந்​தேகங்​களுக்கு தீர்வு காண, வாக்​காளர்​கள் மற்​றும் அவர்​களது உறவினர் பெயர்​கள் 2005-ம் ஆண்​டின் வாக்​காளர் பட்​டியலில் இடம் பெற்ற விவரங்​களைக் கண்​டறிய​வும், வாக்​காளர்​களுக்கு உதவும் வகை​யிலும், இன்று (நவ.18) முதல் 25-ம் தேதி வரை 8 நாட்​களுக்கு மாநக​ராட்​சிக்கு உட்​பட்ட 947 வாக்​குச்​சாவடி மையங்​களி​லும், காலை 10 முதல் மாலை 6 மணி வரை வாக்​காளர் உதவி மையங்​கள் செயல்படவுள்​ளன.

இப்​பணி​களை வெற்​றிகர​மாக மேற்​கொண்டு முடிக்க அங்​கீகரிக்​கப்​பட்ட கட்​சிகளின் வாக்​குச் சாவடி முகவர்​களின் (பிஎல்ஏ) பங்கு இன்​றியமை​யாதது. அரசி​யல் கட்​சிகளின் முழு​மை​யான பங்​களிப்பை உறு​தி​செய்ய, பிஎல்​ஏக்​கள் வரைவு வாக்​காளர் பட்டியல் வெளி​யீட்​டுக்கு முன்பு வரை நாள்​தோறும் அதி​கபட்​சம் 50 நிரப்​பப்​பட்ட படிவங்​களைப் பெற்று வழங்க தேர்​தல் ஆணை​யம் அனு​ம​தித்​துள்​ளது.

அவ்​வாறு படிவங்​களை சமர்ப்​பிக்​கும்​போது வாக்​குச்​சாவடி முகவர்​கள், அப்​படிவங்​கள் அனைத்​தும் சரி​பார்க்​கப்​பட்​டது என உறு​தி​யளிக்க வேண்​டும். இந்த முகாம்​களில் படிவங்​களைப் பூர்த்தி செய்​வ​தில் வாக்​காளர்​களுக்கு ஏற்​படும் சந்​தேகங்​கள், படிவத்​துடன் இணைக்க வேண்​டிய ஆவணங்​கள், கணினி வசதி மூலம் வாக்​காளர் விவரங்​களை உடனடி​யாகச் சரி​பார்த்து வழங்​குதல் ஆகிய சேவை​கள் வழங்​கப்​படும். இவ்​வாறு செய்​திக்​குறிப்​பில்​ கூறப்​பட்​டுள்​ளது.