மைத்ரேயனுக்கு மாநிலப் பதவி... மயிலாப்பூரையும் வழங்குமா திமுக?

மிகச் சரி​யாக மூன்று மாதங்​களுக்கு முன்​ன​தாக அதி​முக-வை விட்டு விலகி திமுக-​வில் இணைந்த வா.மைத்​ரேயனை மாநில கல்​வி​யாளர் அணி துணைத் தலை​வர் பதவி​யில் அமர்த்தி இருக்​கிறது திமுக.

மைத்​ரேயன் அடிப்​படை​யில் ஓர் ஆர்​எஸ்​எஸ்​-​காரர். 1991-ல் பாஜக-​வில் இணைந்த இவர் மாநில செயற்​குழு உறுப்​பின​ரா​னார். இதன் தொடர்ச்​சி​யாக மாநில பாஜக பொதுச்​செய​லா​ள​ராக​வும் துணைத் தலை​வ​ராக​வும் அடுத்​தடுத்து பதவி வகித்​தார். இருந்த போதும் கட்​சிக்​குள் ஏற்​பட்ட மனக்​கசப்​பு​கள்
காரண​மாக, பாஜக-வை விட்டு விலகி அதி​முக-​வில் இணைந்​தார். 2001 தேர்​தலில் இவரை மயி​லாப்​பூரில் நிறுத்​தி​னார் ஜெயலலி​தா. அந்​தத் தேர்​தலில் தோற்​றுப் போனாலும் மாநிலங்​களவைக்கு அனுப்​பப்​பட்​டார் மைத்​ரேயன். தொடர்ந்து மூன்று முறை இவருக்கு அந்த வாய்ப்பை வழங்​கி​னார் ஜெயலலி​தா.

ஜெயலலி​தா​வின் மறைவுக்​குப் பிறகு ஓபிஎஸ் பக்​கம் சாய்ந்த மைத்​ரேயன், ஒரு​கட்​டத்​தில் அங்​கும் தாக்​குப்​பிடிக்க முடி​யாமல் மன்​னிப்​புக் கடிதம் எழு​திக் கொடுத்​து​விட்டு இபிஎஸ் பக்​கம் வந்​தார். ஆனால், திரும்பி வந்த தன்னை இபிஎஸ் திரும்​பிப் பார்க்​காமல் இருந்​த​தால் மீண்​டும் 2023 ஜூனில், பாஜக-வுக்கே திரும்​பி​னார் மைத்​ரேயன். அவருக்கு தேசிய செயற்​குழு உறுப்​பினர் பதவியை தந்தது பாஜக.

ஆனபோதும், அடுத்த ஒரே வருடத்​தில் மீண்​டும் அதி​முக-வுக்கே யு டர்ன் அடித்​தார். இம்​முறை அவரை கட்​சி​யின் அமைப்​புச் செய​லா​ள​ராக அமர​வைத்​தார் இபிஎஸ். ஆனால், ஒரு வருடம்​கூட அங்கு நிலைக்​காதவர், கடந்த ஆகஸ்ட் 13-ம் தேதி திமுக-​வில் இணைந்​தார். இவருக்​குள் இப்​படியொரு திட்​டம் இருப்​பதை அறிந்த இபிஎஸ், மைத்​ரேயன் அறி​வாலய பிர​வேசம் செய்​யும் முன்​​பாகவே அவரை கட்​சியி​லிருந்து கட்​டம் கட்​டி​னார்.

இந்த நிலை​யில், 2026 தேர்​தலில் மயி​லாப்​பூர் தொகு​தி​யில் மைத்​ரேய​னுக்கு திமுக வாய்ப்​பளிக்​கும் என பரவலாகப் பேசப்​படும் நிலை​யில், அவரை திமுக கல்​வி​யாளர் அணிக்கு துணைத் தலை​வ​ராக்கி இருக்​கி​றார் ஸ்டா​லின். திமுக-வின் 75 ஆண்டு கால வரலாற்றில் பிராமணர் சமூகத்தைச் சேர்ந்த ஒருவருக்கு முதல் முறையாக மாநில அளவில் முக்கிய பொறுப்பு வழங்கப்பட்டுள்ளது. அடுத்​த​தாக, மயி​லாப்​பூரும் மைத்​ரேய​னுக்கு தகைக்​கிறதா என்று பார்க்​கலாம்.