தமிழக காவல் துறையில் இரண்டாம் நிலை காவலர் பணி: 3,665 காலியிடங்களுக்கு போட்டித் தேர்வு 

சென்னை: தமிழக காவல் துறை​யில் காலி​யாக உள்ள 3,665 காவலர் பணி​யிடங்​களை நிரப்​புவதற்​கான எழுத்துத் தேர்​வில் 1.96 லட்​சம் பேர் பங்​கேற்​றனர்.

தமிழக காவல் துறை​யில் காலி​யாக உள்ள 2,837 இரண்​டாம் நிலை காவலர் பணி​யிடங்​கள்,சிறைத்​துறை​யில் 180 காலி பணி​யிடங்​கள், தீயணைப்பு துறை​யில் 631 பணி​யிடங்​கள் உள்பட மொத்​தம் 3,665 காலிப்பணி​யிடங்​களை நிரப்புவதற்கான அறி​விப்பை தமிழ்​நாடு சீருடை பணி​யாளர் தேர்வு வாரி​யம் ஆக.21-ல் வெளி​யிட்​டது.

இதற்கு 10-ம் வகுப்பு தேர்ச்சி கல்வி தகுதியாக நிர்​ண​யிக்​கப்​பட்​டது. ஆனால், 10-ம் வகுப்பு முடித்​தவர்​கள் மட்​டுமின்றி பொறியாளர்​கள், பட்​ட​தா​ரி​கள், தனி​யார் நிறு​வன ஊழியர்கள் உள்பட சுமார் 2.50 லட்சம் பேர் விண்​ணப்​பித்​தனர். அதில், தகுயுடைய 2 லட்சத்து 24,711 லட்​சம் பேருக்கு நுழைவுச் ​சீட்டு வழங்​கப்​பட்​டது.

இதையடுத்து திட்​ட​மிட்​டபடி நேற்று தமிழகம் முழு​வதும் 38 மாவட்​டங்​களில் 45 தேர்வு மையங்​களில் நேற்று காலை தேர்வு நடை​பெற்​றது. இதை 1 லட்​சத்து 96,161 பேர் எழு​தினர். 28,550 பேர் பங்​கேற்​க​வில்​லை. முன்​ன​தாக தேர்​வர்​கள் காலை 6 மணிக்கே அவர்​களுக்கு ஒதுக்​கப்​பட்ட தேர்வு மையங்​களுக்கு வந்​தனர். காலை 8 மணி முதல் தீவிர சோதனைக்​குப் பிறகு தேர்வு மையத்​துக்​குள் அனு​ம​திக்​கப்​பட்​டனர். செல்​போன்​கள், ஸ்மார்ட்வாட்ச், கால்​குலேட்​டர் உள்பட எலெட்​ரானிக் உபகரனங்​கள் அனு​ம​திக்​கப்​பட​வில்​லை.

பறக்​கும் படை​யினர் திடீர் சோதனை​யில் ஈடு​பட்​டனர். தேர்வு வளாகம் கண்​காணிப்பு வளை​யத்​துக்​குள் கொண்​டு​வரப்​பட்​டது. சென்​னையில் அண்ணாபல்​கலை. வளாகம், தரமணி மத்​திய பாலிடெக்​னிக் கல்​லூரி, ஸ்டெல்லா மேரீஸ் கல்லூரி உள்பட 10 மையங்​களில் தேர்வு நடை​பெற்​றது. இதில், 1,772 பெண்​கள் உட்பட 8,090 பேர் எழு​தினர். பாது​காப்பு ஏற்​பாடு​களை காவல்ஆணை​யர் அருண் மேற் கொண்​டிருந்​தார்.

அமை​தி​யான முறை​யில் தேர்வு நடை​பெற்று முடிந்​தது.தேர்வு எளி​தாக இருந்​தாக தேர்​வர்​கள் கருத்து தெரி​வித்​தனர். எழுத்துத் தேர்​வில் வெற்றி பெறு​பவர்​கள் அடுத்​தகட்​ட​மாக உடல்தகுதி தேர்​வுக்கு அழைக்கப்படுவார்கள்.